التسويق اللي ما بيحتاج إعلان: كيف تخلّي زبونك يسوّقلك بدون ما تدفع دولار واحد
“صرفنا عالإعلانات أكتر من الأرباح… وما تغيّر شيء.”
هاي الجملة صارت تتكرر في عالم المطاعم كل أسبوع.
المشكلة: التسويق صار عند أغلب الناس يعني “بوست ممول”
اللي بيصير فعليًا إن صاحب المطعم لما المبيعات تضعف، أول شيء بيعمله إنه “يشحن إعلان”.
بس الحقيقة؟ الإعلان مش حل… الإعلان “مكبّر صوت” لمشكلة داخلية.
إذا التجربة داخل المطعم مو مبهرة، فالإعلان بيخلي الناس تعرف هالشي أسرع!
التسويق الحقيقي ما بيبدأ بالفيسبوك…
بيبدأ من داخل المطعم.
من اللحظة اللي الضيف بيدخل فيها، للّحظة اللي بيغادر فيها.
وكل ثانية بيناتهم هي حملة تسويقية مجانية.
🧠 السرّ الحقيقي: “التسويق تجربة مش إعلان”
قبل ما تفكر بكم زبون بدك تجيب،
فكر كم زبون رجع مرة ثانية.
لأن التسويق الذكي ما بيقيس بالزيارات، بيقيس بالعودة.
خليني أحكيلك مثال بسيط:
مرة كنت في مطعم صغير بالدمام، ما عنده صفحة قوية ولا حتى لافتة جذابة،
لكن كل ضيف طالع من الباب كان مبتسم، حامل كرت صغير مكتوب عليه:
“يسعدنا تشارك تجربتك معنا على إنستغرام.”
وصاحب المطعم بنفسه يعلّق على كل منشور بشكر بسيط.
بعد شهرين فقط، صار عندهم مجتمع زبائن مش جمهور مؤقت.
ليش؟ لأن التسويق صار شخصي… مش رقمي فقط.
خطوات عملية لبناء تسويق يبيع بدون ما يزعج
1️⃣ خلّي التجربة نفسها تتكلم.
نظافة المكان، طريقة تقديم الطلب، الموسيقى، وحتى رائحة المطعم — كل شيء تسويق.
2️⃣ استثمر بموظفيك قبل إعلاناتك.
كل موظف عندك ممكن يكون “سفير براند”،
بس لازم يكون فاهم قيم المطعم ومؤمن فيها.
3️⃣ اجمع قصص الناس بدل بياناتهم.
بدل ما تطلب إيميل الزبون عشان تبعثله عرض،
اسأله عن تجربته، شاركها في صفحتك، واعطيه إحساس إنه جزء من القصة.
4️⃣ اشتغل على “الذاكرة البصرية“.
لو الناس تذكرتك بلون، شعار، أو صوت معين (زي طريقة الترحيب)،
فأنت بنيت علامة مش إعلان.
💡 قاعدة بزنس عامر الذهبية:
“التسويق مش تقنع الناس تشتري منك…
بل تخلق تجربة تخليهم يحكوا عنك.”
الناس اليوم ما بتشتري من الإعلان،
بتشتري من الثقة، ومن التجربة اللي بتلامسهم.
🧱 من أرض الواقع: حملة بدون ميزانية
في إحدى فروع “فرايزر”، قررنا نعمل حملة مختلفة.
ما فيها أي إعلان مدفوع.
فقط كتبنا جملة على كرت داخل كل وجبة:
“صور وجبتك، وشاركها، يمكن تكون وجبتك علينا المرة الجاي.”
خلال أسبوع، انشرينا في عشرات الستوريهات،
وجذبنا عملاء جدد بدون ما نصرف شي على الإعلان.
الفرق؟ التجربة نفسها كانت “محتوى” يستحق المشاركة.
🔚 الخلاصة:
التسويق مش وظيفة قسم واحد،
هو روح المطعم اللي بيحسها الضيف من أول خطوة.
ابدأ من الداخل،
بناءً على فلسفة بزنس عامر:
“الضيف ما بيتذكّر العروض…
بيتذكّر الإحساس اللي تركته فيه.”
